tujhe sañg-dil ye pata hai kyā ki dukhe diloñ kī sadā hai kyā

kabhī choT tū ne bhī khaa.ī hai kabhī terā dil bhī dukhā hai kyā

tū ra.īs-e-shahr-e-sitam-garāñ maiñ gadā-e-kūcha-e-āshiqāñ

tū amiir hai to batā mujhe maiñ ġharīb huuñ to burā hai kyā

tū jafā meñ mast hai roz-o-shab maiñ kafan-ba-dosh ġhazal-ba-lab

tire ro.ab-e-husn se chup haiñ sab maiñ bhī chup rahūñ to mazā hai kyā

ye kahāñ se aa.ī hai surḳh-rū hai har ek jhoñkā lahū lahū

kaTī jis meñ gardan-e-ārzū ye usī chaman kī havā hai kyā