kahte haiñ log yaar kā abrū phaḌak gayā

teġhā sā kuchh nazar meñ hamārī saḌak gayā

maiñ kyā karūñ adā-e-ġhazab-nāk kā bayāñ

bijlī sā mere sāmne aa kar kaḌak gayā

naale se mere gul to huā chaak pairahan

bulbul tirā jigar na ye sun kar taḌak gayā

koī gayā na ḳhauf se qātil ke sāmne

maiñ hī thā us ke rū-ba-rū jo be-dhaḌak gayā

mushkil paḌegā phir to bujhānā jahān kā

jo Tuk ziyāda ishq kā sho.ala bhaḌak gayā

'saudā' churā chukā hī thā gulshan meñ gul ko maiñ

qismat ko apnī kyā kahūñ pattā khaḌak gayā