āshiq kī bhī kaTtī haiñ kyā ḳhuub tarah rāteñ

do-chār ghaḌī ronā do-chār ghaḌī bāteñ

qurbāñ huuñ mujhe jis dam yaad aatī haiñ vo bāteñ

kyā din vo mubārak the kyā ḳhuub thiiñ vo rāteñ

auroñ se chhuTe dilbar dil-dār hove merā

bar-haq haiñ agar pairav kuchh tum meñ karāmāteñ

kal laḌ ga.iiñ kūche meñ āñkhoñ se mirī āñkhiyāñ

kuchh zor hī aapas meñ do do huiiñ samghāteñ

kashmīr sī jāgah meñ nā-shukr na rah zāhid

jannat meñ tū ai giidī maare hai ye kyuuñ lāteñ

is ishq ke kūche meñ zāhid tū sambhal chalnā

kuchh pesh na jāveñgī yaañ terī munājāteñ

us roz miyāñ mil kar nazroñ ko churāte the

tujh yaad meñ hī sājan karte haiñ madārāteñ

'saudā' ko agar pūchho ahvāl hai ye us kā

do-chār ghaḌī ronā do-chār ghaḌī bāteñ