dauḌe vo mere qatl ko talvār khīñch kar
maiñ rah gayā ik āh-e-sharar-bār khīñch kar
gustāḳh jazb-e-shauq hai kitnā ġhazab kiyā
laayā hai kis ko yuuñ sar-e-bāzār khīñch kar
hai hai ḳhabar bahār kī sunte hī mar gayā
ik āh-e-sard murġh-e-giraftār khīñch kar
vābasta is se saikḌoñ dil āshiqoñ ke haiñ
band-e-qabā na bāñdhiye zinhār khīñch kar
gar apne āh-o-nāla meñ tāsīr kuchh huī
'raunaq' ham un ko lā.eñge sau baar khīñch kar