miyāñ vo jaan katrāne lagī hai

tamannā mujh ko samjhāne lagī hai

sharāfat is qadar rusvā huī hai

amal par apne sharmāne lagī hai

javānī kī miyāñ dahlīz par hai

ġhazal ab merī itrāne lagī hai

ḳhudārā chhoḌ diije shoḳh hasrat

jo bū kāfūr kī aane lagī hai

sidhārā hai use do-chār das ne

tumhārī ye ġhazal paane lagī hai

tirā dīdār ho hasrat bahut hai

chalo ki niiñd bhī aane lagī hai

ḳharīdī jā rahī hai sabziyoñ sī

ġhazal bāzār meñ aane lagī hai