ġham kam haiñ zindagī meñ zarā aur pāliye

jo mas.ale nahīñ haiñ unheñ bhī uchhāliye

ik laġhzish-e-qadam bhī kabhī sar uḌā ga.ī

dastār chhoḌ dījiye ḳhud ko sañbāliye

bas haath terā haath meñ aa ne kī der thī

sab mehr-o-māh-o-arz-o-samā ham ne pā liye

raahī ye sañg-e-mīl nahīñ sañg-e-rāh haiñ

but bas ga.e haiñ ka.aba-e-dil meñ nikāliye

ab ke hameñ ishāra-e-anjum na thā koī

khīñche zamīñ ne haath to lañgar uThā liye

sarsabz dasht ḳhauf se ḳhāshāk ho gayā

haiñ mish.aleñ huzūr meñ armāñ nikāliye