Khurshid Talab

badan hai sabz aur shadab lekin ruh pyasi hai

Khurshid Talab

Bokaro, Jharkhand, India

badan hai sabz aur shādāb lekin ruuh pyāsī hai
mire andar hazāroñ bāñjh peḌoñ kī udāsī hai
kisī ke dil se ab jazbāt kā rishta nahīñ qaa.em
hañsī bhī maslahat-āmez aañsū bhī siyāsī hai
pa.e-iz.hār kuchh aisā nahīñ hai jo anokhā ho
har ik jazba purānā hai har ik ehsās baasī hai
hameñ har vaqt ye ehsās dāman-gīr rahtā hai
paḌe haiñ Dher saare kaam aur mohlat zarā sī hai
simaT kar rah ga.ī hai vus.at-e-duniyā hathelī bhar
hamārā mas.ala ab bhī hamārī ḳhud-shanāsī hai
lagā huuñ maiñ 'talab' is sach ko jhuTlāne meñ barsoñ se
maiñ kal aaqā thā jis kā ab mire beTe kī daasī hai
Top Urdushayar.com