Ahmad Mushtaq

sham hoti hai to yaad aati hai sari baaten

Ahmad Mushtaq

Lahore, Punjab, Pakistan

1933

shaam hotī hai to yaad aatī hai saarī bāteñ

vo dopahroñ ḳhamoshī vo hamārī bāteñ

āñkheñ kholūñ to dikhā.ī nahīñ detā koī

band kartā huuñ to ho jaatī haiñ jaarī bāteñ

kabhī ik harf nikaltā nahīñ muñh se mere

kabhī ik saañs meñ kar jaatā huuñ saarī bāteñ

jaane kis ḳhaak meñ poshīda haiñ aañsū mere

kin fazāoñ meñ muallaq haiñ tumhārī bāteñ

kis mulāqāt ummīd liye baiThā huuñ

maiñ ne kis din pe uThā rakkhī haiñ saarī bāteñ

Top Urdushayar.com