Obaidurrahman Niyazi

dasht ke beach mein talab nazar aate hain

Obaidurrahman Niyazi

Multan, Punjab, Pakistan

1987

dasht ke beach meñ tālāb nazar aate haiñ

ham ġharīboñ ko faqat ḳhvāb nazar aate haiñ

chāñdnī khul ke jo barse kabhī sahrāoñ meñ

ret ke zarre bhī mahtāb nazar aate haiñ

jhoñpaḌe vaale to sote nahīñ sāvan meñ

so.eñ to ḳhvāb meñ sailāb nazar aate haiñ

dil taḌap uThtā hai jab chāñd sitāre mujh ko

kaale tālāb meñ ġharqāb nazar aate haiñ

chand rāhat bhare lamhāt ḳhvāhish meñ 'obaid'

shahr vaale sabhī betāb nazar aate haiñ

Top Urdushayar.com