jab sabaq de unheñ ā.īna ḳhud-ārā.ī kā
haal kyuuñ pūchheñ bhalā vo kisī saudā.ī kā
mahv hai aks-e-do-ālam mirī āñkhoñ meñ magar
tū nazar aatā hai markaz mirī bīnā.ī kā
donoñ aalam rahe āġhosh-kushā jis ke liye
maiñ ne dekhā hai vo aalam tirī añgḌā.ī kā
ā.īna dekh kar insāf se kah de zālim
kyā mirā ishq hai maujib mirī rusvā.ī kā
'sehr' masjūd-e-do-ālam kiyā us ko jis ne
naqsh hī naqsh vo merī hī jabīñ-sā.ī kā