vo mujhe aasrā to kyā degā

chaltā dekhegā to girā degā

qarz to terā vo chukā degā

lekin ehsān meñ dabā degā

hausle hoñge jab buland tire

tab samundar bhī rāsta degā

ek din tere jism kī rañgat

vaqt Dhaltā huā miTā degā

haath par haath rakh ke baiThā hai

khāne ko kyā tujhe ḳhudā degā

laakh gaalī faqīr ko de lo

is ke badle bhī vo duā degā

ḳhvāb kuchh kar guzarne kā terā

gahrī nīñdoñ se bhī jagā degā

kyā pata thā ki jalte ghar ko mire

merā apnā sagā havā degā