Zafar Gorakhpuri

mera qalam mere jazbaat mangne wale

Zafar Gorakhpuri

Gorakhpur, Uttar pradesh, India

1935-2017

mirā qalam mire jazbāt māñgne vaale

mujhe na maañg mirā haath māñgne vaale

ye log kaise achānak amiir ban baiThe

ye sab the bhiik mire saath māñgne vaale

tamām gaañv tire bholpan pe hañstā hai

dhueñ ke abr se barsāt māñgne vaale

nahīñ hai sahl use kaaT lenā āñkhoñ meñ

kuchh aur maañg mirī raat māñgne vaale

kabhī basant meñ pyāsī jaḌoñ chīḳh bhī sun

luTe shajar se hare paat māñgne vaale

apne dasht meñ pyāsā mare to behtar hai

samundaroñ se ināyāt māñgne vaale

Top Urdushayar.com