ghar se nikle hue bhī bahut din hue
un ko dekhe hue bhī bahut din hue
shahr ḳhāmosh hai us ne honā hī thā
ham ko bole hue bhī bahut din hue
maiñ na guzrūñgā rastoñ se ghar ke tire
garche guzre hue bhī bahut din hue
achchhā chehra kahīñ koī dekhā nahīñ
dil ko dhaḌke hue bhī bahut din hue
koī qāsid nahīñ koī sūrat nahīñ
ḳhat ko likkhe hue bhī bahut din hue
dil ko manzūr kab koī badnām ho
aañsū roke hue bhī bahut din hue
jis samundar meñ hai shaah kashtī mirī
us meñ Duube hue bhī bahut din hue