phir judā hone kā manzar aa gayā hai
aur shab-e-hijrāñ mirā ghar aa gayā hai
shahr meñ phir barf-bārī ho rahī hai
aa bhī jaao ab december aa gayā hai
sūliyāñ sunsān hotī jā rahī thiiñ
daar kī ḳhātir mirā sar aa gayā hai
kyā kahūñ kyoñ tere andar aa gayā huuñ
chaar dīvārī tirā dar aa gayā hai
merī uñglī ko pakaḌ kar merā bachcha
mere qāmat ke barābar aa gayā hai
bhar ga.ī hai shahd kī muñh meñ miThās
naam ye kis kā laboñ par aa gayā hai