ik ālam-e-hairat hai fanā hai na baqā hai
hairat bhī ye hairat hai ki kyā jāniye kyā hai
sau baar jalā hai to ye sau baar banā hai
ham soḳhta-jānoñ kā nasheman bhī balā hai
hoñToñ pe tabassum hai ki ik barq-e-balā hai
āñkhoñ kā ishāra hai ki sailāb-e-fanā hai
suntā huuñ baḌe ġhaur se afsāna-e-hastī
kuchh ḳhvāb hai kuchh asl hai kuchh tarz-e-adā hai
hai tere tasavvur se yahāñ nuur kī bārish
ye jān-e-hazīñ hai ki shabistān-e-hirā hai