Khalid Iqbal Yasir

ek daere ki shakl mein khincha hua hisar

Khalid Iqbal Yasir

1952

ik dā.ere shakl meñ khīñchā huā hisār

yalġhār se kuchh aur bhī badlā huā hisār

ik shahr-e-ḳhvāb thā ki jahāñ qil.a-band the

a.adā yūrishoñ se tavānā huā hisār

chāhe rasad ke rāste masdūd the bahut

jitnā baḌhā muhāsara puḳhta huā hisār

ābād bastiyāñ thiiñ fasīloñ ke saa.e meñ

aapas meñ bastiyoñ ko milātā huā hisār

indar se rah kisī ne dikhā.ī ġhanīm ko

phir maiñ thā aur sāmne girtā huā hisār

Top Urdushayar.com