yūñhī udaas hai dil be-qarār thoḌī hai
mujhe kisī kā koī intizār thoḌī hai
nazar milā ke bhī tum se gila karūñ kaise
tumhāre dil pe mirā iḳhtiyār thoḌī hai
mujhe bhī niiñd na aa.e use bhī chain na ho
hamāre biich bhalā itnā pyaar thoḌī hai
ḳhizāñ hī DhūñDhtī rahtī hai dar-ba-dar mujh ko
mirī talāsh meñ pāgal bahār thoḌī hai
na jaane kaun yahāñ saañp ban ke Das jaa.e
yahāñ kisī kā koī e'tibār thoḌī hai