dil ne kiyā hai qasd-e-safar ghar sameT lo

jaanā hai is dayār se manzar sameT lo

āzādgī meñ shart bhī hai ehtiyāt kī

parvāz kā hai izn magar par sameT lo

hamla hai chaar sū dar-o-dīvār-e-shahr kā

sab jañgaloñ ko shahr ke andar sameT lo

bikhrā huā huuñ sarsar-e-shām-e-firāq se

ab aa bhī jaao aur mujhe aa kar sameT lo

rakhtā nahīñ hai koī na-gufta kā yaañ hisāb

jo kuchh hai dil meñ us ko laboñ par sameT lo