tañg āġhosh meñ ābād karūñgā tujh ko
huuñ bahut shaad ki nāshād karūñgā tujh ko
fikr-e-ījād meñ gum huuñ mujhe ġhāfil na samajh
apne andāz par ījād karūñgā tujh ko
nashsha hai raah kī duurī kā ki hamrāh hai tū
jaane kis shahr meñ ābād karūñgā tujh ko
merī bāñhoñ meñ bahakne kī sazā bhī sun le
ab bahut der meñ āzād karūñgā tujh ko
maiñ ki rahtā huuñ ba-sad-nāz gurezāñ tujh se
tū na hogā to bahut yaad karūñgā tujh ko