lagā kar ishq kā kajrā nayan ko
dikhā.ūñ yaañ setī hubbulvatan ko
bazāñ le jā.ūñ har lahze meñ ik baar
ki jab lag ruuh suuñ rishta hai tan ko
rahe aalam meñ us kā sair aur tair
na dekhe us ke kui mastāne-pan ko
chaman suuñ dil ke aalam ko ḳhabar nahiñ
hamesha dekhte ḳhākī badan ko
kar aa.uuñ sair dil ke bostāñ kā
na jaave vo kabhī hargiz chaman ko
dikhā.ūñ yaar ke zulfāñ suuñ yak taar
na chāhe phir kabhī mushk-e-ḳhutan ko
na thā aadam athā vo zāt-e-mutlaq
sunā.ūñ ye sadā ab tujh kiran ko
sadaf meñ nain ke dikhlā.ūñ gauhar
na rākhe aarzū durr-e-adan ko
nahīñ gauhar vo haiñ jyuuñ chāñd aur suur
'alīmullāh' jahāñ ke anjuman ko