aahaT pe kaan dar pe nazar is tarah na thī
ek ek pal kī ham ko ḳhabar is tarah na thī
thā dil meñ dard pahle bhī lekin na is qadar
vīrāñ to thī hayāt magar is tarah na thī
har ek moḌ maqtal-e-ārmān-o-ārzū
pahle to terī rāhguzar is tarah na thī
jab tak sabā ne chheḌā na thā nik.hat-e-gulāb
kūcha-ba-kūcha mahv-e-safar is tarah na thī
barsoñ meñ pahle hotī thī nam āstīñ kabhī
arzāñ matā-e-dīda-e-tar is tarah na thī