Kanwal Siyalkoti

shama ki lau se khelte dekhe hain maine parwane do

Kanwal Siyalkoti

sham.a lau se khelte dekhe haiñ maiñ ne parvāne do

ik to maut se khel rahā hai ik kahtā hai jaane do

mere badan par tum barsāo pyaar shabnam husn aag

yuuñ ghul-mil kar ek nazar se ham paḌh leñ afsāne do

jin par jaan luTā maiñ ne vo mujh se barham haiñ

rone par pābandī hai to qahqaha ek lagāne do

tum ne pilā.ī jitnī pilā.ī dekho haiñ pyāse riñd abhī

sāqī-garī se haath na khīñcho sab duā lo aane do

mai se maiñ tauba kar lūñgā ye lo merī tauba hai

pahle mere hāthoñ meñ apnī āñkhoñ ke mai-ḳhāne do

us kaam hai kahtā rahnā apnā kaam hai sun lenā

vaa.iz bhī apnā hai 'kañval' tum va.az use farmāne do

Top Urdushayar.com