hamārī āñkhoñ kī putliyoñ meñ tirā mubārak maqām haigā
palak ke paT ham ne khol dekhe to ain māh-e-tamām haigā
are sharāb-e-ḳhirad ke kaifī na kar tuuñ da.avā-e-puḳhta-magzī
mai-e-mohabbat kā jaam pī tuuñ ki ab talak zarf ḳhaam haigā
ḳhayāl-e-abrū-e-qibla-rūyāñ huā hai mehrāb-e-sajda-e-dil
namāz shart-e-niyāz kī paḌh saf-e-junūñ kā imaam haigā
agarche har sarv-e-rāst-qāmat chaman meñ maġhrūr-e-sar-kashī hai
muqābil is qadd-e-ḳhush-adā ke mirī nazar meñ ġhulām haigā
'sirāj' is sho.ala-rū siiñ hargiz gila ravā niiñ hai āshiqoñ kuuñ
tamām jaltī hai sham.a har shab abas patiñgoñ kā naam haigā