ashk-e-ḳhūnīñ hai shafaq aaj mirī āñkhoñ meñ
sāñjh phūlī hai tire baaj mirī āñkhoñ meñ
ek din nain jharoke kī taraf siiñ guzro
mardum-e-chashm hai muhtāj mirī āñkhoñ meñ
baiTh kar taḳht-e-murassā pe mirī putlī ke
hai mubārak jo karo raaj mirī āñkhoñ meñ
baaġh meñ nargis-e-hairāñ ne tujhe dekh kahī
terī āñkhoñ sī kahāñ laaj mirī āñkhoñ meñ
aaj kī raat ajab raat mubārak hai 'sirāj'
us kī sūrat kuuñ hai me.arāj mirī āñkhoñ meñ