kyā balā sehr haiñ sajan ke nayan
hai ḳhajil jis añge hiran ke nayan
mujh pe karte haiñ yaar kā jaadū
us sitamgār-e-sehr-e-fan ke nayan
gardish-e-mai suuñ aaj fāriġh hai
jin ne dekhe haiñ ḳhush-nayan ke nayan
aarzū meñ tirī ai nūr-e-nazar
muntazir huuñ khule haiñ man ke nayan
shor Daale haiñ saare aalam meñ
dilbar-e-shakkarīñ-suḳhan ke nayan
gul-e-nargis agar nahīñ dekhā
dekh yakbār gul-badan ke nayan
kyuuñ na hue hijr be-ḳhabar suuñ 'sirāj'
hosh khote haiñ man hiran ke nain