tujhe kahtā huuñ ai dil ishq kā iz.hār mat kiijo
ḳhamoshī ke makāñ meñ baat aur guftār mat kiijo
mohabbat meñ dil-o-jāñ hosh o tāqat sab akārat hai
kaho koī aql kuuñ jā kar baḌā bistār mat kiijo
evaz naqd-e-duā ke muft hai dushnām us lab siiñ
are dil ishq ke saude meñ phir takrār mat kiijo
use ūñchā hai zālim daam ne tujh mehrbānī ke
hamāre said-e-dil uupar sitam kā vaar mat kiijo
agar ḳhvāhish hai tujh kuuñ ai 'sirāj' āzād hone kī
kamand-e-aql kuuñ hargiz gale kā haar mat kiijo