kaise chhupā.ūñ rāz-e-ġham dīda-e-tar ko kyā karūñ

dil kī tapish ko kyā karūñ soz-e-jigar ko kyā karūñ

shorish-e-āshiqī kahāñ aur merī sādgī kahāñ

husn ko tere kyā kahūñ apnī nazar ko kyā karūñ

ġham kā na dil meñ ho guzar vasl kī shab ho yuuñ basar

sab ye qubūl hai magar ḳhauf-e-sahar ko kyā karūñ

haal merā thā jab batar tab na huī tumheñ ḳhabar

ba.ad mere huā asar ab maiñ asar ko kyā karūñ