dil kī sūrat tire siine meñ dhaḌaktā huuñ maiñ
haañ ba-zāhir tire hāthoñ kā khilaunā huuñ maiñ
ab jahāñ chāñd lab-e-bām ubhartā hī nahīñ
jaane kyuuñ phir unhīñ galiyoñ se guzartā huuñ maiñ
kitnā nādān thā maiñ Duub gayā jal bhī gayā
vo bahut kahtā rahā aag kā dariyā huuñ maiñ
aarzū thī ki gulāboñ ke diloñ meñ rahtā
ye sazā paa.ī ki kāñToñ kā bichhaunā huuñ maiñ
mere paas aa ke koī tishna-labī bhuul gayā
maiñ to samjhā thā ki taptā huā sahrā huuñ maiñ