har bure vaqt ke afa.āl badal detā hai
ishq dānāoñ ke aqvāl badal detā hai
barg-e-jāñ hai.at-e-ajzā kā pareshān sā juz
dekhte dekhte ashkāl badal detā hai
vaqt bedār magar hai to taġhayyur kā asiir
jo badalnā ho ba-har-hāl badal detā hai
ik zarā sabr ki parvāz kā ḳhāliq yak-dam
vaqt aane pe par-o-bāl badal detā hai
koī majzūb-e-ilāh jazb-o-junūñ meñ aa kar
kurra-e-arz ke abdāl badal detā hai
haath aa jaa.e agar nusḳha-e-aqavāl-e-'alī'
ek ik qaul-e-mah-o-sāl badal detā hai