ai bāġh-e-hayā dil kī girah khol suḳhan bol
tañgī hai mire haal par ai ġhuncha-dahan bol
ai aah sunā us kuuñ mire haal kī arzī
tujh zulf ke pechoñ ne diyā mujh kuuñ shikan bol
muddat satī parvāna tuuñ hamdard mirā hai
us sham.a señ terī jo lagī aaj lagan bol
aatī hai tujhe dekh ke gul-rū kī galī yaad
ai bulbul-e-betāb mujhe apnā vatan bol
ḳhāmosh na ho soz-e-'sirāj' aaj kī shab pūchh
bhaḌkī hai mire dil meñ tire ġham kī agan bol