charāġh-e-sub.h jalā koī nā-shanāsī meñ
ik aur din kā izāfa huā udāsī meñ
tirī nazar ke ishāroñ pe aa.ina na huā
ye dil kī taaq bahut thā suḳhan-shanāsī meñ
dikhā.ī de na mujhe dahshat-e-jamāl ke saath
nashāt-e-ishq na kho jaa.e bad-havāsī meñ
junūñ rahīn-e-qabā ho to is se pūchhūñ bhī
ke kitnā lutf mayassar thā be-libāsī meñ
na roz-e-abr-e-siyah thā na māhtāb kī raat
gilās TuuT gayā kaisī bad-havāsī meñ