parinde pūchhte haiñ tum ne kyā qusūr kiyā

vo kyā kaheñ jinheñ hijrat ne ghar se duur kiyā

yahī bahut hai ki us ahd-e-be-payambar meñ

kahīñ charāġh kahīñ ḳhvāb ne zuhūr kiyā

ye merā ḳhaak meñ milnā basā ġhanīmat hai

ki maiñ ne ijz kī ḳhātir bahut ġhurūr kiyā

falak se pheñk ke dekhā ki TūTne kā nahīñ

girā ke apnī nigāhoñ se chuur chuur kiyā

ġhubār-e-dar-ba-darī jis ne kar diyā mujh ko

musāfiroñ ko usī dhuup ne khajūr kiyā