na tujh se hai na gilā āsmān se hogā
tirī judā.ī kā jhagḌā jahān se hogā
tumhāre mere ta.alluq kā log pūchhte haiñ
ki jaise faisla mere bayān se hogā
agar yūñhī mujhe rakkhā gayā akele meñ
barāmad aur koī us makān se hogā
judā.ī tai thī magar ye kabhī na sochā thā
ki tū judā bhī judāgāna shaan se hogā
guzar rahe haiñ mire din isī tafāḳhur meñ
ki aglā qais mire ḳhāndān se hogā