vo ḳhush ho ke mujh se ḳhafā ho gayā
mujhe kyā umīdeñ thiiñ kyā ho gayā
naved-e-shafā chārasāzoñ ko do
maraz ab mirā lā-davā ho gayā
kisī ġhair se kyā tavaqqo ki jab
mirā dil hī dushman mirā ho gayā
kahāñ se kahāñ laa.ī qismat mirī
kis aafat meñ maiñ mubtalā ho gayā
maiñ yakjā hī kartā thā apne havās
ki un se mirā sāmnā ho gayā
'ravāñ' tū kahāñ aur kahāñ dard-e-ishq
tujhe kyā ye mard-e-ḳhudā ho gayā