pur-ḳhūñ hai jigar lāla-e-sairāb kī saugand
rañgīnī-e-dāġh-e-dil-e-betāb kī saugand
tasvīr hai tujh yaad siiñ ā.īna-e-dil aaj
hairat-vashī-e-dīda-e-be-ḳhvāb kī saugand
hai kāba-e-maqsūd mujhe vo ḳham-e-abru
ai shoḳh mujhe masjid o mehrāb kī saugand
sarsabz hai aañsū siiñ mirā gulshan-e-ummīd
hai mujh kuuñ mire dīda-e-pur-āb kī saugand
ahvāl-e-'sirāj' aa ki birah aag meñ tuuñ dekh
be-tāqat o be-tāb hai sīmāb kī saugand