ai sanam tujh birah meñ rotā huuñ
ashk-e-ḳhūnīñ siiñ muñh kuuñ dhotā huuñ
bandagī meñ mujhe qubūl karo
maiñ tumhārā ġhulām hotā huuñ
bārish-e-āb-e-ashk hai darkār
dāġh-e-hijrāñ ke biij botā huuñ
boltā huuñ jo vo bulātā hai
tan ke pinjre meñ us kā totā huuñ
mat kaho mujh siiñ qissa-e-farhād
ḳhvāb-e-shīrīñ meñ aaj sotā huuñ
gauhar-e-ashk kuuñ misāl-e-'sirāj'
rishta-e-āh meñ pirotā huuñ