sune rātoñ kuuñ gar jañgal meñ mere ġham kī vāvailā

to majnūñ qabr señ uTh kar pukāre aah yā lailā

hamārā ḳhūn-e-nāhaq niiñ huā zaa.e.a are qātil

zamīñ se gul ho niklā āsmāñ par ho shafaq phailā

hiran sab haiñ barātī aur divāna ban kā dūlhā hai

ba-har ḳhil.at kuuñ uryānī kī phirtā hai banā chhailā

sharāb-e-sāf de tā saaf ho saaqī ġhubār-e-ġham

hamārā dil nipaT gard-e-kudūrat se hai ab mailā

'sirāj' us shola-rū kī tañg poshī kuuñ kahāñ pahuñche

ki hai jaama badan meñ sham.a ke fānūs kā Dhailā