syed raza

tang-o-mahdud bahut husn-e-nazar tha pahle

syed raza

Paller Budgam, Jammu and Kashmir, India

1956

tañg-o-mahdūd bahut husn-e-nazar thā pahle

zulf-o-ruḳhsār pe mauqūf hunar thā pahle

āne-jāne sarokār kahāñ se aayā

koī jaada na musāfir na safar thā pahle

ab bhī gardish meñ mirī dhuup rahā kartī hai

yahī saaya jo udhar hai ye idhar thā pahle

dar-o-dīvār se āzād bayābāñ phir ho

apne shorīda-saroñ yahī ghar thā pahle

mirī talvār pe hai razm purānī likkhī

mire ḳhāmosh lahū meñ bhī bhañvar thā pahle

ye tasavvur bhī palā āb-o-havā meñ merī

is zamīñ par na khaḌā aisā shajar thā pahle

Top Urdushayar.com