sar ko bachāte yā dar-o-dīvār bechte

sar kī hifāzatoñ meñ kyā dastār bechte

shohrat ke mol ḳhuub lage shahr meñ magar

ham mohtaram kahāñ the jo kirdār bechte

is kāñptī zamīn ne sab ḳhaak kar diyā

varna ham ārzuoñ ke mīnār bechte

hotā jo iḳhtiyār mire haath meñ to phir

baste ḳharīd laate ye hathiyār bechte

qānūn ko jo 'sīmā' samajh lete aaj ham

to bhuuk aur jahl ke āzār bechte