maiñ huuñ hairāñ ye silsila kyā hai

aa.ina mujh meñ DhūñDhtā kyā hai

ḳhud se betāb huuñ nikalne ko

koī batlā.e rāsta kyā hai

maiñ habāboñ ko dekh kar samjhā

ibtidā kyā hai intihā kyā hai

maiñ huuñ yakjā to phir mire andar

ek muddat se TūTtā kyā hai

ḳhud hī tanhā.iyoñ meñ chillā.ūñ

ḳhud hī sochūñ ye shor sā kyā hai

jaane kab kyā junūñ meñ kar jā.ūñ

maiñ to dīvāna huuñ mirā kyā hai