din meñ aane lage haiñ ḳhvāb mujhe
us ne bhejā hai ik gulāb mujhe
guftugū sun rahā huuñ āñkhoñ kī
chāhiye aap kā javāb mujhe
vaqt-e-fursat kā intizār karūñ
itnī fursat kahāñ janāb mujhe
zo.am thā be-hisāb chāhat hai
us ne samjhā diyā hisāb mujhe
paḌhtā rahtā huuñ aap kā chehra
achchhī lagtī hai ye kitāb mujhe
lījiye aur imtihān mirā
aur honā hai kāmyāb mujhe
koī aisī ḳhatā karūñ 'rāġhib'
jis kā miltā rahe savāb mujhe