bilkul tum sā aur tumhārā lagtā huuñ
kabhī kabhī maiñ ḳhud ko pyārā lagtā huuñ
ek nazar us huur ne mujh ko dekhā thā
ḳhud ko maiñ ab ek sitārā lagtā huuñ
jitnā aap jatātī haiñ har message meñ
kyā maiñ aap ko itnā pyārā lagtā huuñ
shāyad merī jiit isī meñ hotī hai
is ke aage haarā haarā lagtā huuñ
merā sher churā kar tum ne sher kahā
rishte meñ ab baap tumhārā lagtā huuñ
haath pakaḌ kar saath khaḌī ho jaatī hai
logoñ meñ jab maiñ bechāra lagtā