ajab nahīñ hai muālij shifā se mar jaa.eñ
marīz zahr samajh kar davā se mar jaa.eñ
ye soch kar hī hameñ ḳhud-kushī savāb lagī
jo kī hai maañ ne to phir bad-duā se mar jaa.eñ
ye ehtijāj samundar ke dam ko kaafī hai
kisī kināre pe do-chār pyāse mar jaa.eñ
fasādiyoñ ko maiñ is shart par rihā karūñgā
ki fāḳhta ke paroñ kī havā se mar jaa.eñ
tū apne lahje kī riqqat ko thoḌā kam kar de
faqīr log na terī sadā se mar jaa.eñ
uThā ke phirte haiñ ham aap sirf naam to leñ
qasam se aap to kaase kī kā se mar jaa.eñ