Aurang zeb

nihatte aadmi pe baDh ke KHanjar tan leti hai

Aurang zeb

nihatte aadmī pe baḌh ke ḳhanjar taan letī hai

mohabbat meñ na paḌ jaanā mohabbat jaan letī hai

use ḳhāmosh dekhūñ to sunā.ī kuchh nahīñ detā

dikhā.ī kuchh nahīñ detā nazar jab kaan letī hai

udāsī āshnā hai is qadar aahaT se merī ab

jahāñ se bhī guzartā huuñ mujhe pahchān letī hai

ḳhushī to de detī hai tirī duniyā mujhe kar

magar badle meñ vo us ke mirā īmān letī hai

bas ik lamha lagātī hai ḳhushī aa kar guzarne meñ

udāsī aa.e to sadiyoñ miTTī chhān letī hai

barābar baañT detī hai vo sāñseñ ḳhāk-zādoñ meñ

na-jāne zindagī kis dukāñ se bhaan letī hai

isī ke saath chaltī hai ye manzil par pahuñchne tak

ye rāh-e-ġham jise apnā musāfir jaan letī hai

vo har machhlī jo machhlī ghar paidāvār ho sāhab

vo machhlī ghar ko apnā samundar maan letī hai

ham us ke haath pe rakh deñ zamīn-o-āsmāñ kar

magar vo ham faqīroñ kahāñ ehsān letī hai

sar-e-maqtal bikhar jaate haiñ is meñ Dūbne vaale

mohabbat har qadam par ḳhuun tāvān letī hai

agar bujhne se bachnā hai to lau se lau jalāo 'zeb'

havā jalte charāġhoñ se yahī paimān letī hai

Top Urdushayar.com