raat aa baiThī hai pahlū meñ sitāro taḳhliya

ab hameñ darkār hai ḳhalvat so yaaro taḳhliya

aañkh vā hai aur husn-e-yār hai pesh-e-nazar

shash-jihat ke bāqī-māñda sab nazāro taḳhliya

dekhne vaalā thā manzar jab kahā darvesh ne

kaj-kulāho bādshāho tāj-dāro taḳhliya

ġham se ab hogī barāh-e-rāst merī guftugū

dosto tīmār-dāro ġham-gusāro taḳhliya

chaar jānib hai hujūm-e-nā-shānāyān-e-suḳhan

aaj puure zor se 'fāris' pukāro taḳhliya