kho.e hue paloñ kī koī baat bhī to ho

vo mil gayā hai us se mulāqāt bhī to ho

barbād maiñ huā to ye bolā amīr-e-shahr

coffē nahīñ hai itnā, fanā zaat bhī to ho

duniyā kī mujh pe laakh navāzish sahī magar

mary taraqqiyoñ meñ tirā haat bhī to ho

miltī haiñ gor yaañ to sar-e-rāh bhī magar

panghaT ho gāgarī ho vo dehāt bhī to ho

haare to lāziman use koī panāh de

ham se laḌe jo us kī ye auqāt bhī to ho

kaTtī hai shab visāl kī palkeñ jhapakte hī

jis kī sub.h na ho kabhī vo raat bhī to ho

lafzoñ ke her-pher se bantī nahīñ ġhazal

sheroñ meñ thoḌī garmi-e-jazbāt bhī to ho