ham ki afkār ko tajsīm kiyā karte haiñ

harf-o-alfāz kī tahrīm kiyā karte haiñ

band kar lete haiñ āvāra havā muTThī meñ

phir fazā meñ use taqsīm kiyā karte haiñ

vaqt jab haath nahīñ aatā to roz-o-shab meñ

intiqāman use taqvīm kiyā karte haiñ

kab sitārā koī māthe kī shikan meñ utrā

sab fusūñ sāhab-e-tanjīm kiyā karte haiñ

ham ko ilzām na diije koī 'shākir'-kunDān

ham to nisbat kī bhī takrīm kiyā karte haiñ