hālat-e-hāl meñ ādāb nahīñ bhūltā maiñ
ḳhud ko bhūlūñ bhī to ahbāb nahīñ bhūltā maiñ
maiñ abhī ishq nahīñ hālat-e-īmān meñ huuñ
jañg karte hue asbāb nahīñ bhūltā maiñ
jazb kartī huī ḳhilqat se mohabbat hai mujhe
chāñd ko chhoḌiye tālāb nahīñ bhūltā maiñ
ai mujhe ḳhvāb dikhāte hue logo sun lo
merā dukh ye hai koī ḳhvāb nahīñ bhūltā maiñ
pārsā.ī nahīñ tanhā.ī mayassar thī vahāñ
so tire mimbar-o-mehrāb nahīñ bhūltā maiñ