vo mile to be-takalluf na mile to be-irāda
na tarīq-e-āshnā.ī na rusūm-e-jām-o-bādā
tirī nīm-kash nigāheñ tirā zer-e-lab tabassum
yūñhī ik adā-e-mastī yūñhī ik fareb-e-sāda
vo kuchh is tarah se aa.e mujhe is tarah se dekhā
mirī aarzū se kam-tar mirī taab se ziyāda
ye dalīl-e-ḳhush-dilī hai mire vāste nahīñ hai
vo dahan ki hai shagufta vo jabīñ ki hai kushāda
vo qadam qadam pe laġhzish vo nigāh-e-mast saaqī
ye tarāsh-e-zulf-e-sarkash ye kulāh-e-kaj-nihādā