ba-ḳhudā ishq kā āzār burā hotā hai

rog chāhat kā burā pyaar burā hotā hai

jaañ pe aa bantī hai jab koī hasīñ bantā hai

haa.e ma.ashūq-e-tarahdār burā hotā hai

ye vo kāñTā hai nikaltā nahīñ chubh kar dil se

ḳhalish-e-ishq kā āzār burā hotā hai

TuuT paḌtā hai falak sar pe shab-e-furqat meñ

shikva-e-charḳh-e-sitamgār burā hotā hai

aa hī jaatī hai hasīnoñ pe tabī.at nāseh

sach to ye hai ki dil-e-zār burā hotā hai